Со анегдоти, досетки, сарказам и иронија се коментира состојбата со лебот во Македонија. Во одредени маркети веќе нема полубел и бел леб, рафтовите останаа празни, а граѓаните тоа го коментираат и на социјалните мрежи. Некои се осврнаа на тоа дека лебот стана луксуз, а други се спремни и да го замесат во домашни услови.
„Нокти правење нема више, од денес леб ќе се меси“, стои во коментарот на Ѓорѓе Коцев на „Твитер“.
Нокти правење нема више, од денес леб ќе се меси.
— GorgeKocev ❁ (@gorge_kocev) March 1, 2023
Преку сарказам корисниот „Грдо пајче“ прашува: „И сега што да пипкаат од сабајле пензионерите кога нема леб?“
И сега што да пипкаат од сабајле пензионерите кога нема леб?
— The Vinci 𓅭 (@Grdo_pajce) March 1, 2023
Поради недостигот на леб и неговата висока цена, на „Твитер“ се подбиваат со името на познатата македонска група за која предложија промена на името. Во твитот стои: „’Леб и сол’ го промени името во ‘Јуфки и сол’“.
“Леб и сол” го промени името во “Јуфки и сол”
— 🄾🅁🄸🄾🄽 (@petnaesetdotri) March 1, 2023
Со оглед дека за време на пандемијата, кога Македонија немаше вакцини, донации ни правеше Србија, на „Твитер“ велат: „Ај па може Вучиќ ќе прати леб“.
Ај па може Вучиќ ќе прати леб 🤷♂️
— Историчарот (@istoricarizsk1) March 1, 2023
„Нема повеќе леб и маргарин да јадете“, посочува друг корисник на социјалната мрежа.
Нема појче леб и маргарин да јадите
— Aлистер Блек (@PrinceWhite1989) March 1, 2023
Во друг коментар се вели: „Од утре симитот ќе се продава без леб“.
Од утре симитот ќе се продава без леб
— АјкулаДракулаБубашваба (@botanicharot) March 1, 2023
Во низата саркастични коментари има и шеги во кои се споменува актерот Џони Деп, кој имаше јавно судење со својата екссопруга Амбер.
Не знаеше леб да меси… pic.twitter.com/EzLU93Judz
— Тешко Нас (@tesko_nas) March 1, 2023
На социјалните мрежи имаше и низа фотографии, а каде што тема е лебот.
