Земјотрес со јачина од 5,7 степени според Рихтеровата скала денеска ја потресе Турција.
Според првите информации, епицентарот на земјотресот бил во областа Малатија, која речиси била уништена од разорните земјотреси што ја погодија оваа земја на 6 февруари.
Засега не се знае дали има повредени во последниот земјотрес. Тлото се тресело и во Кахраманмараш и Адијаман.
Во разорните земјотреси на 6 февруари животот го загубија повеќе од 50.000 луѓе во Турција и соседна Сирија.
