Земјотрес со јачина од 3,9 степени според Рихтеровата скала утрово ја погоди Романија.
Епицентарот на земјотресот бил на 10 километри од градот Таргу Зиу, недалеку од границата со Србија, на длабочина од еден километар, според проценките на Европскиот медитерански сеизмолошки центар.
Истото подрачје минатата недела беше погодено од серија умерени земјотреси, од кои некои беа почувствувани и низ цела Србија.
Според сведоштвата на веб-страницата ЕМСЦ, земјотресот бил силно почувствуван, но не траел долго,пренесе Блиц.рс.
