Српскиот тенисер Новак Ѓоковиќ сочувствува поради трагедијата што ги снајде турскиот и сирискиот народ, по разорниот земјотрес што ги погоди земјите.
Повеќе од 33.000 луѓе загинаа, а многумина се уште се под урнатините на градовите и населбите кои беа најтешко погодени од страшниот земјотрес што се случи во понеделникот, во јужниот дел на Турција и во Сирија.
„Здраво на сите, еве ме со мојот пријател Јусуф во Белград и би сакал да ги испратам моите најдобри желби и поздрави до луѓето во Турција кои минуваат низ многу тешки времиња. Ги видов фотографиите, ги видов снимките од последиците од разорниот земјотрес за сите семејства и луѓе, и моето срце е со сите и се надевам дека луѓето ќе останат силни и ќе закрепнат заедно многу брзо. Најдобри желби и останете силни“ – рече Ѓоковиќ.
Şampiyon tenisçi @DjokerNole yaşanan üzücü deprem felaketi ile ilgili duygularını futbolcumuz Yusuf Emre Gültekin aracılığıyla paylaştı. #GeçmişOlsunTürkiyem pic.twitter.com/nFIFMzsEqW
— Yılport Samsunspor 🇹🇷 (@Samsunspor) February 12, 2023
