Најдобриот светски тенисер Новак Ѓоковиќ поднел документација и побарал специјална дозвола за влез во САД.
Оваа информација во интервју за Танјуг ја откри неговиот брат Ѓорѓе Ѓоковиќ.
„Тоа е нешто што за жал не е во наши раце, Новак мора да добие посебна дозвола, со оглед на тоа што САД сè уште не дозволуваат влез на невакцинирани луѓе, што е едноставно неверојатно бидејќи целиот свет е отворен, а на спортските настани ширум светот учествуваат вакцинирани и невакцинирани спортисти“, рече Ѓоковиќ.
„Новак ја доставил сета потребна документација, апликација, а директорите на турнирите во Индијан Велс и Мајами јавно го кажаа ставот дека им е потребен на тие турнири и дека сакаат да дојде“, додаде тој.
„Сега ни останува само да се надеваме на позитивен исход“, изјави Ѓоре Ѓоковиќ.
