Бијонсе го собори рекордот за најмногу освоени „Греми“ награди на сите времиња – 32 – откако се закити со четири на синоќешното доделување.
Сепак, поп-ѕвездата повторно загуби во престижната категорија Албум на годината од британскиот пејач Хари Стајлс.
Бијонсе освои четири „Греми“, вклучувајќи и за најдобар денс-електронски албум, (Renaissance) со што бројот се искачи на 32. Рекордот со 31 трофеј претходно го држеше починатиот диригент на класична музика Георг Солти.
И покрај нејзиниот успех низ годините, 41-годишната Бијонсе никогаш не ја освоила наградата за најдобар албум. Хари Стајлс се закити со оваа престижна награда за албумот Harry’s Housе.
„Бев многу инспириран од секој уметник во оваа категорија“, рече изненадениот Стајлс при примањето на наградата. About Damn Time на Лизо е прогласен за албум на годината, а песна на годината е Just Like That од Бони Рајт.
Џез-пејачката Самара Џој е прогласена за најдобар нов уметник. Раперот Бед Бани се закити со наградата најдобар урбан музички албум за Un Verano Sin Ti. За најдобар рап албум е прогласен Mr. Morale & the Big Steppers од Кендрик Ламар.
