Утрински Весник
Свет

Поранешниот генерал на НАТО, Петр Павел, е нов претседател на Чешка

Поранешниот генерал на НАТО, Петр Павел, е нов претседател на Чешка

Поранешниот генерал на НАТО, Петр Павел, стана нов претседател на Чешка, победувајќи го Андреј Бабиш на изборите.

dobivaj vesti na viber

Со Петр Павел, Чешка за нов претседател ќе има поранешен генерал и поранешен претседател на воениот одбор на НАТО.

Павел, кој пред само неколку години беше непознат за поголемиот дел од чешката јавност, победи во вториот круг од изборите на 27 и 28 јануари, со околу 58 отсто од гласовите. Неговиот противкандидат, популистичкиот олигарх и поранешен премиер Андреј Бабиш, доби само 42 отсто.

Пред падот на комунизмот во декември 1989 година, сега 61-годишниот Петр Павел беше член на Комунистичката партија, како и повеќето професионални војници. Toj има посетувано и обука за разузнавање во чехословачката армија.

Славната воена кариера на Павел, која започна во елитна падобранска единица, кулминираше со неговото назначување за началник на Генералштабот на чешката армија (2012 – 2015) и неговиот последователен избор за претседател на Воениот комитет на НАТО. Во 2018 година генералот се пензионираше.

Павел, кој за време на изборната кампања се обидуваше да се претстави како независен, аполитичен кандидат, природно покажа висок степен на познавање на воените и меѓународните прашања.

Мирен и достоинствен, Павел освои многу Чеси со својата решителност, но и со наклонетоста кон моќните мотори. Некои велат дека неговата сличност со основачот и првиот претседател на Чехословачка Томаш Масарик (1850-1937) одиграла значајна улога.

Можете да прочитате

Орбан: За мир во Украина потребна е средба меѓу Путин и Трамп

Амнести Интернешнл: Израелскиот предлог за „хуманитарен град“ е намера за воени злосторства

Нојман: Употребата на дронови во војната во Украина „не е пример“ за воздушните способности на НАТО