Шеесет и едногодишна жена доби тешки повреди кога лице од Кичево ја удрило на улицата Рудничка управувајќи автомобил.
„На 25 јануари, во 18.10 часот, во Полициската станица Кичево било пријавено дека на улицата Рудничка во Кичево, патничко возило ‘опел’, со кичевски регистарски ознаки, управувано од А. А. (32) од Кичево, удрило во Л. К. (61) од Кичево. Во несреќата тешки телесни повреди добила Л. К., констатирани во Медицинскиот центар во Кичево“, соопшти МВР.
Извршен бил увид од полициска екипа.
