Најстарата организација за човекови права во Русија, московската хелсиншка група, денеска е затворена откако Судот пресуди дека не била соодветно регистрирана.
Групата, основана во 1976 година од советски дисиденти, објавуваше годишни извештаи за човековите права во Русија и беше една од ретките преостанати независни организации за човекови права во земјата, по затворањето на организацијата „Меморијал“ што во 2021 година беше лауреат на Нобелова награда.
Руското Министерство за правда минатиот месец поднесе тужба против Московската Хелсиншка група, тврдејќи дека е регистрирана само за заштита на човековите права во Москва, а не и во останатите делови на земјата, што групата го отфрли како бесмислено.
Копретседателот на групата, Валериј Боршов, денеска пред Судот и претставниците на Министерството изјави дека затворањето на групата ќе стави крај на повеќедецениска работа на нејзините активисти.
„Правите голем грев. Уништувате движење за човекови права, го уништувате“, рече тој.
