Изданието „Songs of Surrender“ е составено од 40 од најголемите песни од каталогот на светски познатата група „U2“, кои се повторно снимени и дизајнирани во ново руво.
Ова го објавија „Island Records“ и „Interscope“ (Universal Music Group).
Овој албум е резултат на студиски сесии од изминатите две години, а во целост ќе излезе на 17 март.
Откриена е првата песна – „Pride (In The Name Of Love)“, која во ново руво е достапна на сите музички платформи.
„Songs of Surrender“ беше замислен и продуциран од гитаристот The Edge, а содржи некои од најпознатите песни од повеќе од 40-годишната кариера на бендот, вклучувајќи ги „With or Without You“, „One“, „Beautiful Day“.
Како резултат на музичката реинтерпретација и новите аранжмани, песните ќе бидат објавени како целосно нови снимки, а во некои од нив има промени и во текстот.
– Музиката ви овозможува да патувате низ времето, сакавме да ги донесеме нашите стари песни до денес и да им го дадеме „духот на 21 век“ – откри The Edge.
