Српскиот центар Никола Јокиќ стигна до 14. трипл дабл во сезоната, а Денвер ја забележа 14. победа кога тој има двоцифрен ефект во трите статистички категории. Денвер Нагетс ја совладаа Минесота во возбудлив финиш 122:118 и осамени се на врвот на Западот од НБА лигата пред Мемфис.
Јокиќ имаше уште една брутална партија. Постигна 31 поен, имаше 11 скока и 13 асистенции, вклучувајќи ја и онаа при резултат 120:118, кога Гордон требаше само да забие и да ја запечати победата на Нагетс.
На Јокиќ му беа потребни седум асистенции за да го мине легендарниот Алекс Инглиш, а тоа го направи во третата четвртина кога забележа 3.680 асистенции во кариерата. Со тоа стана најдобар асистент во историјата на Денвер.
Кошаркарите на Јута победија против ЛА Клиперс со 126:103. Лаури Марканен беше најдобар играч во победничкиот тим, кој постигна 34 поени со 12 скока, една асистенција и украдена топка за нешто повеќе од 33 минути игра.
Кај ЛА Клиперс доминираше Норман Пауел со 30 поени.
Резултати: Далас – Аланта 122:130, Њујорк – Вашингтон 105:116, Хјустон – Шарлот 117:122, Мемфис – Кливленд 115:114, Њу Орлеанс – Мајами 98:124, Оклахома – Индијана 126:106, Јута – ЛА Клиперс 126:103, Денвер – Минесота, 122:118, ЛА Лејкерс – Сакраменто 111:116.
