Повредата на Томислав Јагуриноски сепак не е така наивна и тој нема да може да игра на утрешниот втор натпревар на Светското првенство против Холандија. Селекторот на националниот ракометен тим, Кирил Лазаров, веднаш повлече потег и го повика Давид Савревски. Тој е еден од тројцата ракометари што првично отпаднаа од списокот на Лазаров пред почетокот на Мундијалот.
Јагуриноски го повреди коленото при еден пад на мечот против Норвешка и очигледно дека за опоровавување ќе му биде потребен подолг период.
Натпреварот меѓу Холандија и Македонија е закажан за утре, со почеток во 18 часот, во „Таурун арена“ во Краков.
