Менаџерот на Челси, Грем Потер, истакнува дека исклучувањето на Жоао Феликс е главната причина за поразот (2:1) на неговиот тим од Фулам.
„Почнавме добро, имавме неколку можности на почетокот. Но, серијата грешки доведоа до првиот гол. Потоа моравме да се бориме и добро го започнавме второто полувреме. Сепак, црвениот картон промени сѐ. Одигравме добро и со 10 играчи, но моравме подобро при голот. Многу разочарувачки пораз. Ова е уште еден неуспех во низа и мора да продолжиме да се бориме“, изјави Потер.
Челси го претрпе петтиот пораз во последните шест натпревари во Премиерлигата и моментно се наоѓа на десеттото место, со 10 бода заостанување од позициите кои водат во Лигата на шампионите.
