ВМРО-Народна партија остро се спротивставува на иницијативата предложена од Стопанската комора за увоз на отпад за согорување како алтернативно гориво, велат од оваа партија.
„Сметаме дека индустријата доби доволно субвенции за овие години и во време на ковид кризата и војната во Украина и дека нема потреба од повторно менување на законот од 2020 година кога целосно се забрани секаков увоз на отпад за користење како алтернативно гориво за согорување“, се додава во нивното соопштение.
ВМРО-Народна партија, како што појаснуваат, нема да поддржи во парламентот никаква измена на постоечкиот Закон.
