Украина не е меѓу земјите поканети на самитот на Групата 20 во септември во Њу Делхи, изјави денеска портпаролот на индиското Министерство за надворешни работи Ариндам Багчи.
Тој рече дека има уште време до Самитот, но дека освен за членките на Г-20, посебна покана се подготвува и за некои други земји, пренесе ТАСС.
„ Мислам дека Украина не е на таа листа“ – рече Багчи.
Како што беше претходно најавено, на 9 септември во Њу Делхи ќе започне 18-от самит на групата шефови на држави и влади, а на него, покрај лидерите на земјите од Г-20, ќе присуствуваат и претставници на Бангладеш, Египет, Маурициус, Холандија, Нигерија, Оман, Сингапур, Шпанија и ОАЕ.
Претседавањето на Индија со Г20 започна на 1 декември.
Како што изјави претходно претставничката на руската делегација во Г-20, Светлана Лукаш, постојат големи шанси рускиот претседател Владимир Путин да учествува на самитот во Њу Делхи.
