Данска не забележа ниту еден грабеж на банка во 2022 година, а според Асошиејтед прес (АП), ваквите грабежи нема да имаат многу смисла со оглед на тоа што готовинските трансакции во земјата речиси целосно испаднаа од употреба.
Данците се повеќе користат картички и паметни телефони за плаќање. Синдикатот на вработените во данската банка ја поздрави веста дека 2022 година била без грабежи.
Од „Finance Denmark“, здружението на банкарскиот сектор, велат дека само околу 20 филијали на банки низ земјата користат готовина. Сепак, беше наведено и дека бројот на филијали на банки паднал од 219 во 1991 година на 56 во 2021 година.
Новинските извештаи наведуваат дека повлекувањето готовина во Данска се намалува за околу три четвртини секоја година во последните шест години.
Во 2000 година евидентиран е 221 грабеж на банка, додека во 2021 година е забележан само еден, наведува „Finance Denmark“.
Според АП, ограбувачите првично го пренасочиле вниманието од филијалите на банките на банкоматите.
Но, и бројот на вакви грабежи паднал на нула поради подобар надзор и техничка заштита.
Од „Finance Denmark“ велат дека криминалците се свртеле кон измама на луѓе преку Интернет во последниве години.
