Нема човечки жртви во пожарот во Ѓорче Петров, извести градоначалникот на Општината, Александар Стојкоски.
Пожарот изби претпладнево, а го гасат пет екипи на Бригадата за противпожарна заштита на Скопје.
„Нема човечки жртви во пожарот од она што сум известен од МВР и од противпожарната бригада. Гори покривна конструкција на објект и се работи на терен да се санира пожарот. Не се работи за општински објект туку за приватен“, вели градоначалникот Стојкоски.
Очевидци велат дека гори покрив на објект во кој е сместено казино.
Полицијата го пренасочува сообраќајот од главната улица „Ѓорче Петров“ по околните сообраќајници.
