Министерството за внатрешни работи соопшти дека се направени сите потребни проверки во врска со денешната пријава од објект на „Пошта“ во Скопје.
„По добиената порака на електронската адреса со закана за поставена експлозивна направа, утврдено е дека станува збор за лажна пријава“, информираат од Министерството.
Појаснуваат дека веднаш по добиената пријава, од полициски службеници преземени се мерки за безбедно евакуирање, а потоа извршени се и детаљни проверки од тимови за антитерористички проверки и утврдено е дека станува збор за лажна пријава.
