САД се загрижени поради воените активности на Кина во близина на Тајван, кои ги нарекуваат провокативни и дестабилизирачки, соопшти Белата куќа.
Советот за национална безбедност на Белата куќа нагласи дека во тој поглед ќе продолжи да му помага на Тајван во одржување на задоволителна способност за самоодбрана, објави „Ројтерс“.
Владата на Тајван, која Кина ја смета за легитимен дел од својата територија, забележува дека во изминатите 24 часа нејзината противвоздушна одбрана идентификувала седумдесет и еден авион на кинеското воздухопловство, вклучувајќи борбени авиони и беспилотни летала.
