Манчестер Јунајтед го победи Барнли со 2:0 и се пласира во четврт-финалето на Карабао куп. Македонскиот репрезентативец Дарко Чурлинов одигра половина час во тимот на гостите на „Олд Трафорд“ и имаше една убава можност за погодок која не ја искористи.
Манчестер Јунајтед поведе со голот на Кристијан Ериксен во 27.минута, а во вториот дел Маркус Рашфорд го постави конечниот епилог.
Нотингем Форест славеше со 1:4 против Блекбурн, а Чарлтон на пенали (4:3) го елиминира Брајтон.
