Претседателот на Русија, Владимир Путин, пристигна во Минск, каде што разговараше со својот белоруски колега Александар Лукашенко.
Една од темите на средбата била безбедносната состојба во регионот и заедничките мерки за одговор на можни закани. Путин на аеродромот го пречека лично Лукашенко.
„Белорусија не е само наш добар сосед, со кој соработуваме со децении, туку наш најблизок пријател, сојузник. На крајот на 2021 година нашата трговска размена достигна раст од над 30 отсто, а од почетокот на специјалната операција соборивме нов рекорд и достигнавме трговска размена од речиси 40 милијарди долари. Исто така, градиме нови нуклеарни централи и развиваме нови нуклеарни блокови во електрани“, рече рускиот претседател Владимир Путин во Минск.
Lukashenko personally meets Putin at the airport in Minsk.
Putin visited Belarus for the first time since June 2019.
Presumably, he arrived to persuade Lukashenko about direct involvement in the war pic.twitter.com/jSW6EN8vIz
— Anton Gerashchenko (@Gerashchenko_en) December 19, 2022
Лукашенко, од своја страна, изрази надеж дека Западот ќе го „слуша гласот на разумот“ и дека дијалогот за безбедноста ќе продолжи.
Тој посочи дека Русија и Белорусија благодарение на заедничката работа ќе успеат да ги надминат потенцијалните негативни последици од притисокот од санкциите.
