ВМРО-ДПМНЕ, Христијан Мицкоски и Данела Арсовска го создадоа хаосот во Скопје. Поради нивната неспособност, поради нивните кавги за рацете во медот, граѓаните на Скопје се соочуваат со блокади, проблеми во движењето и извршувањето на секојдневните обврски. ВМРО-ДПМНЕ Мицкоски и Арсовска не можат да избегаат од одговорноста, тие треба да сработат за да престанат блокадите, изјави денеска Рената Јајоска, советничка во Советот на Град Скопје.
Таа наведе дека тие како советничка група побарале посебна седница на која ќе се расправа за работењето на ЈСП Скопје, но ВМРО-ДПМНЕ и претседателот на Советот на Град Скопје Трајко Славевски тоа не го дозволиле.
Јајоска додаде дека покрај колапсот на јавниот превоз, катастрофална е ситуацијата и во другите јавни градски претпријатија. И тука одговорноста е исклучиво кај ВМРО-ДПМНЕ и шпицниот градоначалник Мицкоски. Една година градска власт на ВМРО-ДПМНЕ е една година стагнација на градот.
Наместо проекти и решенија, граѓаните гледаат блокади, кавги за тендери и нефункционалност на институциите. По Скопје 2014, ВМРО-ДПМНЕ му приредува нова катастрофа на главниот град,изјави Јајоска.
