„Лажни се зборовите на СДСМ и ДУИ за борба со корупцијата сè додека избираат судии, обвинители и први луѓе на институциите по партиски клуч. Ковачевски продолжи со практиката на трас-трас судството кое исклучиво служи за гонење неистомисленици. Македонија нема напредок, напротив назадува со корупцијата и со криминалот и тоа го констатираат сите, и дома и меѓународните пријатели“, изјави денеска на прес-конференција Ели Панова, пратеничка на ВМРО-ДПМНЕ.
Таа напомена дека „Весна Дамева како член на СДС и член на партиската комисија на СДС, од стручна соработничка без искуство во судење, ја направија член на Судски Совет, а сега и негов претседател!“.
„Срамно и девастирачки се продолжува со партизацијата на судско-обвинителскиот систем, а имаат и причина за тоа. СДС кое е заглавено во криминал и корупција, којашто секојдневно ја тресат коруптивни скандали тешки милиони евра, сега мислат дека тоа е единственото коешто ќе ги спаси! Македонија тоне во кризи, сиромаштија и мизерија, причина за тоа е криминалот и корупцијата на власта предводена од СДС и ДУИ, а Ковачевски мисли само на едно, како неказнето да се спаси од правдата“, нагласи Панова.
