Автомобил удри во двајца пешаци на улицата Добривоје Радосавлевиќ во Битола.
Едниот од пешаците, како што информираа од МВР се здобил со тешки повреди.
„Синоќа на улицата Добривоје Радосавлевиќ во Битола, патничко возило „фолксваген голф“ со битолски регистарски ознаки, управувано од Е.Т.(28) од Битола, удрило во пешаците В.П.(54) и И.П.(52). Во несреќата, В.П. се здобил со тешки телесни повреди, а И.П се здобила со телесни повреди, констатирани во Клиничка болница Битола“, соопшти МВР.
Увид извршила полициска екипа.
