Демократскиот сојуз (ДС) смета дека мешовитата македонско-бугарска Комисија за историски и образовни прашања не е надлежна да разговара и преговара за историските аспекти на Охридската архепископија по што треба усогласен текст да се вгради во учебниците за основно образование.
„Охридската архиепископија е поврзана со вековното опстојување и посебноста на македонскиот народ поради што да се преговара за тоа дали оваа Архиепископија е македонска или бугарска е рамно на велепредавство.
Евентуалниот договор ќе биде дел од протоколот, тоа значи и дел од преговарачката рамка за почнување на пристапните преговори со ЕУ. ДС бара записникот од преговорите јавно да се објави и доколку за ова прашање е разговарано, Комисијата (од македонскиот дел) да биде разрешена и да се изберат во неа историчари резистентни на политичко влијание“, велат од Демократскиот сојуз.
