Почина министерот за надворешни работи на Белорусија, Владимир Макеј, јави „БелТА“, повикувајќи се на прес-секретарот на Министерството за надворешни работи на Белорусија, Анатолиј Глаз.
Макеј имаше 64 години. Не се соопштуваат други детали пишуваат тамошните медиуми.
Макеј, како што анализираат истите, беше познат по неговите остри критики кон Западот, за кој веруваше дека е виновен за конфликтот во Украина, што го изјави на 77. сесија на Генералното собрание на ОН во Њујорк.
„Учеството на НАТО во нелегитимните војни против Југославија, Ирак, Либија, Сирија, како и обидите на Алијансата да влезе во историски источнословенските и соседните земји, ја предодреди судбината на првиот „Версај“. Затоа вината за континуираното крвопролевање во Украина мора целосно да ја сноси колективниот Запад“, потенцираше тогаш Мекеј.
„Не можеме да се однесуваме поинаку. Конфликтот се случува на нашата врата и ние сме многу тажни кога гледаме како братскиот украински народ стана жртва на геополитичките игри на колективниот Запад“, рече тогаш Мекеј.
Според неговите неодамншени изјави, на Западот не му е потребна Украина ниту како членка на НАТО, ниту како членка на Европската Унија, туку новите „покровители“ едноставно ја искористиле во големата игра против Русија.
„Украина денеска плаќа со крв, бидејќи нејзините политичари дозволија да бидат измамени и заборавени на историското братство на трите источнословенски народи: Белорусите, Русите и Украинците“, беа зборовите на белорускиот дипломат.
