Женско шимпанзо неодамна се породи во зоолошката градина во округот Седџвик во Канзас, САД, а нејзината реакција кога за првпат го виде своето младенче е навистина трогателна.
Махале морала извесно време да закрепне од компликациите што настанале при породувањето со царски рез, а по 48 часа добила шанса првпат да го види своето бебе.
Луѓето од Зоолошката градина сето тоа го следеле со камери. Мајката прилично емотивно ја дочека првата средба со своето младенче, на кое му го дадоа името Кучеза.
Вработените го внеле малото во престојувалиштето и го завиткале во ќебе. Мајката прво не го забележува, но кога ја здогледува неговата рака веднаш го раширува ќебето и го зема в раце.
View this post on Instagram
„Махале е чудесна мајка, не го пушти своето бебе откако првпат го зеде в раце“, стои на инстаграм-страницата на Зоолошката градина.
Двете објави предизвикаа позитивни реакции кај следачите на Инстаграм, беа прегледани и лајкувани десетици илјади пати и собраа стотици коментари.
