Можната нестабилност на мостот надвозник кај Визбегово Скопско, како и парчиња бетон што висат од него претставуваат опасност за луѓето и возилата коишто се движат по него, но уште повеќе за тие што се движат под него.
Центарот за управување со кризи во неколку наврати побарал интервенција од потенцијално надлежните институции, но опасноста се’ уште не е отстранета.
„Денеска повторно јавно ги повикавме надлежните институции но и медиумите и граѓаните. Институциите да реагираат, медиумите дополнително да истражат и информираат, а граѓаните да пријават било каква опасност на бројот 112“, се наведува во соопштението на ЦУК.
Безбедноста на граѓаните секогаш е на прво место, велат од Центарот за управување со кризи.
