Косовскиот премиер Албин Курти оцени дека мирот и безбедноста во Европа ги оспорува не само Србија, туку и Русија, со која иако немаат заеднички граници, „имаат заеднички цели бидејќи на земјите гледаат преку етнички леќи затоа што не веруваат во вредноста на демократијата“.
Тој рече дека Косово е подготвено да ѝ подаде рака на Србија и да создаде добрососедски односи, но „изрази сомневање дека Србија може да го стори тоа“, пренесува „Коха.нет“.
Курти оцени дека и по 11 години, односите со Србија не се ништо подобри пред една деценија и дека за тоа има причина.
„Србија не успеа во својата демократизација и бара повеќе конфликт отколку соработка и продолжува да ги велича воените злосторници наместо да ги осудува и казнува. Се плашам дека Србија не е ниту демократска ниту независна. Тоа е режим предводен од Православната црква и доминиран од Путиновата Русија“, рече Курти.
„Она што не го нудиме се отстапки за поделба на нашата земја по етнички линии, но ако Србија не е подготвена да нѐ признае, петте европски земји не треба да чекаат, тие може да ѝ помогнат на Србија побргу да нѝ признае“, рече Курти.
