Излезе првиот трејлер за најновото продолжение на акциониот блокбасер „Џон Вик: Поглавје 4“, во кој Кијану Ривс повторно го глуми титуларниот убиец.
Иако на гледачите најверојатно ќе им се допаднат различните локации што ќе ги видат во претстојниот филм – од Јапонија, Јордан, Германија, Франција и САД, новиот тизер им ја дава на фановите една од најочекуваните акциони сцени – пресметка помеѓу две од најголемите акциони икони во светот – Кијану Ривс против Дони Јен.
Додека Ривс е долгогодишен акционен херој од времето на „Брзина“ и „Поинт брејк“, во четвртиот од сагата „Џон Вик“, тој ќе се бори против акционата суперѕвезда од Хонгконг, Дони Јен.
Ривс ја репризира улогата на убиец кој сака кучиња во серијалот кој започна како приказна за одмазда, која потоа се претвори во сопствена верзија на стилска бруталност, а на крајот стана модерна студија за естетизација на насилството.
