Уметноста го имитира реалниот живот до застрашувачки степен и Ли Јунгџае е тажен поради тоа.
Во неодамнешно интервју за „Гардијан“ во врска со неговиот нов филм Hunt („Лов“), Ли Јунгџае – еден од главните протагонисти во мегахитот на „Нетфликс“ од 2021 година, „Сквид гејм“ – соткри дека неговите чувства кон серијата се мошне горки.
„Се разбира, среќен сум поради успехот, но чувството е горко-слатко“, рече Јунг (49).
„Да, одлично е што публиката консумира корејски содржини ширум светот. И тие го ценат тоа.“
„Но, ако размислите за темата на Squid Game – колку далеку сме подготвени да одиме за да акумулираме лично богатство, до каде луѓето се принудени да одат – загрижува фактот што ова одекна кај толку многу луѓе ширум светот.“
„Имате чувство дека ова е реалноста за толку многу луѓе на глобално ниво. И тоа ме прави да се чувствувам многу тажен.“
Во јуни „Нетфликс“ ја најави втората сезона на мрачната корејска драма, негова најпопуларна серија на сите времиња.
Серијата ја раскажува приказната за натпреварувачи кои се во долгови и играат игри од детството за да добијат шанса за суми пари што ќе им го промени животот.
