Министерот за надворешни работи Бујар Османи денеска ќе му биде домаќин на потпретседателот на Владата и министер за надворешни работи на Република Казахстан, Мухтар Тлеуберди, кој ќе престојува во официјална посета на земјава.
Во фокус на разговорите ќе бидат билатералните односи, особено мултилатералната соработка на двете држави, со посебен акцент во Организацијата за безбедност и соработка на Европа, со која Северна Македонија ќе претседава по две месеци. Ќе се разменат мислења и за други актуелни прашања во надворешната политика, информираат од МНР.
Во рамки на неговиот престој во Скопје, Тлеуберди се очекува да се сретне и со Претседателот Стево Пендаровски како и со претседателот на Собранието, Талат Џафери.
