Додека корпорациите ширум светот, вклучително и „Адидас АГ“ ги прекинаа врските со Канје Вест, платформата за стриминг на музика „Спотифај“ (Spotify Technology SA) соопшти дека нема да ја отстрани музиката на раперот освен ако неговата издавачка куќа не го побара тоа.
Музиката од раперот сега познат како Је не ги прекршила политиките против омраза, изјави шефот на „Спотифај“, Даниел Ек, за „Ројтерс“.
Неодамнешните антисемитски забелешки дадени од раперот „се само грозни коментари што не водат кон отстранување од Спотифај, што може да се случи само поради кршење на политиките на Спотифај, кои забрануваат говор на омраза на подкаст или снимка,“ вели Ек.
Но, ниту една од тие содржини не може да се најде на „Спотифај“.
„Тоа е всушност само негова музика, а неговата музика не ја нарушува нашата политика“, рече Ек, додавајќи: „Ова зависи од неговата издавачка куќа , дали сакаат да преземат акција или не“.
