Илјадници демонстранти денеска учествуваа на маршот во Париз против зголемените трошоци за живот и владината неактивност.
Протестот беше повикан од партијата „Непокорна Франција“ на Жан-Лук Меланшон и други левичарски партии, вклучително и Европската екологија, Зелените и Социјалистичката партија, заедно со неколку француски синдикати и здруженија.
Environmental activists in #Paris protest the use of oil by using glue to stick their hands on the asphalt.
– The French police forcibly removed their hand
— Areej Stance (@QAreejQ) October 16, 2022
Активистите бараат повисоки плати и социјални бенефиции, вонредни даноци за енергетските компании, ограничување на сметките за електрична енергија и инвестиции во еколошки проекти.
На маршот, според новинарските извештаи, можеа да се слушнат и повици против поскапувањето на горивата и храната, како и против контроверзната пензиска реформа.
The Paris police have blocked our street to prevent people from reaching the #nupes (left alliance) protest against high cost of living & climate inaction. Looks like it had a massive turnout and is still going strong. https://t.co/YacgRUzdvt pic.twitter.com/eMLpjtEt6Z
— Laini Taylor (@lainitaylor) October 16, 2022
„Тука сме да ги спасиме Французите од сиромаштија. Францускиот претседател Емануел Макрон се обидува да ја уништи нашата земја и сите јавни добра. Очигледно е дека од ноември цените на сите горива, бензините и дизелот ќе надминат три евра. Мора да дејствуваме, инаку зимава нема да имаме што да јадеме“, изјавил за дописникот на „Спутник“ еден од активистите на движењето „Жолти елеци“.
Некои учесници го споделиле своето незадоволство од зголемената воена поддршка на Франција за Украина.
„Ова е премногу, ова е безобразно. САД се обидуваат да не вовлечат во војна која не е ни наша“, изјавил еден од учесниците на протестот.
Водечките француски синдикати најавија дека ќе одржат сенароден штрајк во вторник, на 18 октомври, барајќи повисоки плати и протестирајќи против навлегувањето во правото на штрајк.
