Ракометната репрезентација на Македонија оствари убедлив триумф (38:24) над Луксембург во квалификациите за Европското првенство во 2024. Подмладената селекција на Кире Лазаров демонстрира квалитет и ја потврди фаворитската улога на овој натпревар.
Уште од стартот Македонија го презеде водство, постигна три гола во низа и беше јасно дека победата нема да дојде во прашање. На полувремето нашиот национален тим обезбеди двоцифрена предност (18:7), а потоа рутински го приведе мечот до крај.
Најефикасен во составот на Македонија беше Кузманоски со шест гола.
