Фудбалската репрезентација на Романија треба да игра против Косово во квалификациите за ЕВРО 2024, но државните власти велат дека тоа нема да се случи, затоа што не ја признаваат како држава.
Фудбалската федерација на Романија побара мислење од владата, а засега ставот е дека нема да се играат натпреварите.
„Косово не е призната држава од Романија. Мојот личен став е дека не треба да играме со Косово, па дури и ако тоа значи службен пораз од 3:0“, изјави поранешниот министер за надворешни работи на Романија, Теодор Мелескану.
УЕФА се залага да нема мешање на политиката во фудбалот, но при ждребот сепак имаше одредени „насоки“ дел од земјите кои се во конфликт да не бидат распоредени во иста група.
