Повеќе од 1.300 фудбалски фанови од Англија и Велс добија забрана да патуваат во Катар за Светското првенство, потврди британскиот Хоум офис (министерство за внтрешни работи). Новата мерка, која стапува во сила в петок, е преземена за да не им се дозволи на навивачите што имаат досиеја да патуваат на мундијалот, кој почнува на 20 ноември.
„Нема да дозволиме однесувањето на некои од тие што ги прекршуваат законите да го уништат првенството“, изјави министерката Суел Брејвермен посочувајќи дека оние што ќе го прекршат правилото, ќе добијат затворска казна од шест месеци.
Минатата сезона имаше неочекувано зголемување на насилството во англискиот фудбал, а Премиер лигата воведе мерки за да се спречи реприза и ова сезона.
