МЗТ Скопје Аеродром очекувано загуби со 74:92 (9:25, 23:23, 20:21, 22:23) од Партизан во второто коло на регионалната АБА-лига кога не успеаја да се вратат во игра по лошата прва четвртина во „Јане Сандански“.
Тимот на Жељко Обрадовиќ имаше фуриозен почеток поведувајќи со 9:0 за првата четвртина да ја добијат со огромни четиринаесет поени разлика (25:9) благодарение на трите тројки на Австралиецот Егзум. По ова, „металците“ успеаја да го одржат ритамот со „црно-белите“, но не и да ја намалат огромната предност на српскиот тим.
Нанели и Егзум постигнаа по 17 поени за Партизан, а кај македонскиот шампион Миќовиќ заврши со 18 поени, Кефи со 17, а двоцифрени беа и Максвел (13) и Стојановски (11).
Фото: Игор Паневски/Топспорт.мк
