Усман Дембеле најверојатно ќе добие понуда да го продолжи договорот со Барселона. Францускиот репрезентативец пред нешто повеќе од шест месеци требаше да замине од клубот, сепак долгите преговори вродија со плод и тој летово потпиша договор до јуни 2024 година.
Од почетокот на сезоната, Дембеле е стандарден член на стартната постава, постигна два гола и забележа осум асистенции. Овој учинок, но и неговото однесување на теренот и надвор од него ги натерало челниците да размислуваат да му понудат нов договор.
Условите не се познати, но според шпанските медиуми Барселона ќе му понуди да го продолжи договорот до јуни 2026 година.
