Фудбалската репрезентација на Англија доживеа нов пораз во Лигата на нации, а селекторот Герет Саутгејт запиша негативни рекорди.
Англија, во Милано, загубија од Италија со 1:0. На „Сан Сиро“, избраниците на Саутгејт одиграа уште еден натпревар во кој не го најдоа патот до голот на противникот.
Англичаните сега се единствениот тим, заедно со Сан Марино, кој во пет натпревари нема постигнато гол од игра. Единствениот гол оваа сезона за Англија во Лигата на нации го постигна Хари Кејн од пенал во 88.минита против Германија.
Со поразот од Италија, Англија испадна од елитната А-дивизија во Лигата на нации.
Светското првенство во Катар започнува за неполни два месеци, а Саутгејт не личи на селекторот кој стигна до полуфиналето на Мундијалот и финалето на ЕП. Навивачите ширум Англија бараат отказ на Саутгејт.
