Нема да има мобилизација во Белорусија, изјави белорускиот претседател Александар Лукашенко.
Тој рече дека одредени опозициски партии се обидуваат да ја развијат тезата дека е можна мобилизација и во Белорусија, како и во Русија.
„Нема да има мобилизација. Тоа е лага“ – рекол Лукашенко, пренесува „Белта“.
Во исто време, Лукашенко нагласи дека Белорусија сигурно ќе одговори на можните закани и обиди за терористички акти.
На 21 септември Русија најави делумна мобилизација поради војната во Украина.
