Струга Трим Лум ја оствари и осмата победа од стартот на сезоната во Првата македонска фудбалска лига совладувајќи го Тиквеш со 2:0 на домашен терен. Тимот на Срѓан Захариевски оди на пауза со фантастични 24 бода, максимален ефект по осумте одиграни натпревари во шампионатот.
„Победивме еден многу квалитетен тим. Многу тежок натпревар, во кој победата ни беше императив за да го заокружиме на најдобар начин овој циклус. Во таков натпревар правевме и доста грешки, но сепак дојдовме до победата над еден навистина незгоден противник”, изјави Захариевски.
Сега следи пауза поради настапите на репрезентацијата, а потоа Струга Трим Лум во деветтото коло ќе и гостува на Македонија ЃП.