Украинската влада усвои предлог-закон за кривична одговорност за државните службеници кои земаат руски пасош, а според тој закон тие може да добијат и до 15 години затвор.
„За жал, меѓународното право не содржи соодветни норми за сузбивање на нелегалните руски пасоши на територијата на Украина. Затоа мораме да одговориме со зајакнување на кривичното законодавство“, рече потпретседателот на украинската влада и министерот за реинтеграција на привремено окупираните територии на Украина, Ирина Верешчук, објави веб-страницата прм.уа.
Во нацртот усвоен од украинската влада се наведува дека „доколку украинскиот државен службеник добие непријателски пасош, ќе биде осуден на затвор од 10 до 15 години“,пренесе Танјуг.