Најмалку девет лица загинаа, а 20 се повредени во стампедо на голем концерт во во западна Гватемала, соопштија службите за итни случаи.
Црвениот крст на Гватемала на Твитер објави фотографии на кои се гледаат возила и лекари од итната помош како им помагаат на повредените и ги носат телата на жртвите.
Локалните медиуми го опишуваат концертот како одбележување на Денот на независноста на Гватемала.
Противпожарната служба на „Твитер“ соопшти дека повредените, од кои некои најверојатно се здобиле со скршеници, се пренесени во болница.
Гватемалскиот весник Prensa Libre објави дека властите сè уште не ги објавиле имињата на загинатите.
