Градоначалникот на општина Гази Баба, Бобан Стефковски, на својата официјална страница на Фејсбук ги објави резултатите од теренската анкета:
„Жителите на Автокоманда даваат поддршка за воведување зонско паркирање.
Изминатиот период од страна на општина Гази Баба се реализираше теренска анкета за испитување на јавното мислење на жителите на населба Автокоманда за воведување зонско паркирање.
За време на теренската анкета се изврши посета на секое домаќинство во населбата по што од резултатите може да се утврди дека жителите на Автокоманда даваат поддршка за воведување зонско паркирање.
Резултатите од анкетата се:
951 испитано домаќинство
632 се изјасниле ЗА
266 се изјасниле ПРОТИВ
53 одбиле да одговорат
Мислењето на граѓаните е она кое не води во носењето на одлуките“ – напиша Стефковски на ФБ.
