Сончево и доста топло со мала до умерена локална облачност. Ќе дува слаб до умерен ветер, кој во западните делови ќе биде западен и ќе се засилува, а по должината на Повардарието ќе биде југоисточен.
Минималната температура ќе биде во интервал од 5 до 15, а максималната ќе достигне од 29 до 35 степен. УВ=7
Во Скопје сончево и доста топло со мала до умерена облачност и со слаб до умерен југозападен ветер.
Минималната температура ќе се спушти до 10, а максималната ќе достигне до 32 степена.
Под влијание на јужно воздушно струење од денес ќе има значителен пораст на температурата. Особено топло ќе биде утре и в петок кога дневната температура ќе биде над вообичаениот просек и ќе биде активно жолто ниво на опасност од високи температури и особено во западните делови ќе дува засилен западен ветер.
В сабота ќе биде нестабилно со пороен дожд, грмежи и засилен ветер, а в недела ќе дува силен северен ветер, кој најпрвин ќе донесе заладување во северните делови.
