Турскиот претседател Реџеп Таип Ердоган денеска изјави дека односот на Ерменија кон Азербејџан е неприфатлив и дека ќе има последици.
„Сметаме дека ситуацијата што настана се должи на неприфатливото ерменско кршење на договорот постигнат по војната во 2020 година, што резултираше со победа на Азербејџан“, рече Ердоган на митинг во Анкара, пренесе „Ројтерс“.
Вчера во текот на ноќта на ерменско-азербејџанската граница дошло до конфликт, а страните меѓусебно се обвинуваат дека го предизвикале конфликтот.
Во Ереван беше објавено дека азербејџанските војници ја гранатирале територијата на Ерменија со артилериско оружје и со помош на беспилотни летала. Беа нападнати неколку погранични области.
