Фудбалскиот клуб Вулверхемптон денеска го потврди трансферот на Диего Коста. Шпанскиот напаѓач дојде како слободен играч, потпиша договор до крајот на сезоната, откако се повреди новакот Саша Калајџиќ и ќе отсуствува неколку месеци.
Така Коста по пет години се врати во Премиер лигата, откако во периодот од 2014 до 2017 година настапуваше за Челси и во тој период одигра 89 натпревари, постигна 52 гола и забележа 18 асистенции.
Диего Коста играше за Брага и за Валјадолид, но се прослави дури кога го облече дресот на Атлетико Мадрид во 2012 година.
Од Атлетико замина во Челси, а од Лондон се врати во Мадрид, за подоцна да заигра за Атлетико Минеиро, со кого оваа зима го раскина договорот.
Прашање е колку ќе биде физички подготвен Шпанецот, но „волците“ решија да му веруваат до крајот на актуелната сезона.
It’s official. ✍️ pic.twitter.com/FXcgReSlsr
— Wolves (@Wolves) September 12, 2022
