Францускиот претседател Емануел Макрон му кажал во телефонскиот разговор на својот руски колега Владимир Путин дека руската окупација е причина за опасност за украинската нуклеарна централа во Запорожје. Макрон побара од него да го повлече тешкото и лесно оружје, соопшти Елисејската палата.
Кремљ претходно денеска објави дека Путин во телефонски разговор со Макрон го предупредил францускиот претседател за можните катастрофални последици од украинските напади врз нуклеарната електрана.
Москва и Киев меѓусебно се обвинуваат за нападите врз електраната.