Кошаркарската репрезентација на Босна и Херцеговина, во „Скендерија“ ја совлада Франција по две продолженија со резултат 96:90 (28:14, 10:32, 21:5, 17:25, 7:7, 13:7), во квалификациите за пласман на Светското првенство.
Французите, како апсолутни фаворити влегоа во овој дуел, на крајот Сараево го напуштија со наведнати глави. БиХ одигра брилијантен натпревар и сосема заслужено славеа.
Третиот период беше клучен за конечниот победник, во тој период Франција постигна само пет поени, БиХ со серија 20:0 минусот од 12 поени го претвори во водство од осум коша.
Продолженија за Франција избори Фурние кој постигна две тројки во самиот финиш. Истиот играч и обезбеди второ рпдолжение на Франција.
БиХ до победата ја предводеа Јусуф Нуркиќ со 21, Јон Роберсон со 18 и Џана Муса со 17 поени. На спортивната најефикасен беше Еван Фурние со 26 поени.
